Авыл 9 октябрь 2016 19:25

Казанда үткән ярминкәдән аксубайлылар диплом белән кайткан

Ярминкә һөнәри белем бирү сыйфатын яхшырту, республика яшьләре арасында эшче һөнәрләрен популярлаштыру максатында үткәрелде.

Скопировать ссылку

(Казан, 9 октябрь, "Татар-информ"). Аксубай районының белем бирү учреждениеләре Казанда үткәрелгән авыл хуҗалыгы ярминкәсендә катнаштылар һәм хәтта бүләкләр дә алдылар, дип яза "Авыл таңнары" газетасы.

Ярминкә “Казан“ Агросәнәгать паркында үткәрелде. Исегезгә төшерәбез: әлеге ярминкә һөнәри белем бирү сыйфатын яхшырту, республика яшьләре арасында эшче һөнәрләрен популярлаштыру, халыкны сыйфатлы азыклар белән тәэмин итү максатларында уздырылды. Безнең районны мәгариф бүлеге һәм Аксубай универсаль технологияләр техникумы тәкьдим итте. Техникум коллективы авыл хуҗалыгы продукциясе, камыр ризыклары һәм ярмалар сатты. Шулай ук производствога өйрәтү мастеры Андрей Бикмуллинның кулланма сәнгать әйберләре күргәзмәсе оештырды.

Ярминкәдә ТР Дәүләт Советы Рәисе урынбасары Римма Ратникова, премьер-министр урынбасары – ТР Мәгариф һәм фән министры Энгель Фәттахов та булды. Ярминкә нәтиҗәләре буенча Аксубай универсаль технологияләр техникумы “Алып килгән продукциянең иң яхшы ассортименты“ өчен диплом белән бүләкләнде.

#Аксубай #авыл хуҗалыгы ярминкәсе

Сәхифәләр

Казанда үткән ярминкәдән аксубайлылар диплом белән кайткан