Казанда температура рекорды икенче мәртәбә яңартылды
Скопировать ссылку
Татарстан башкаласында температура рекорды икенче мәртәбә яңартылды. Бу хакта ТР Гидрометеорология үзәге хәбәр итә.
Кичә, 2 апрельдә, «Казан» метеостанциясендә һәм «Казан-Сокол» авиация метеостанциясендә термометр баганалары +15,1 градуска, ә «Казан-Аэропорт» авиация метеостанциясендә +16,5 градуска кадәр күтәрелде.
2 апрельдә Казанда температураның абсолют максимумы 74 ел элек, 1951 елда теркәлгән иде: ул вакытта температура +13,8 градуска җиткән иде.
Беренче апрельдә республика башкаласында 1983 елның температура рекорды куелды. Шул ук вакытта бүген Татарстанда +12 градуска кадәр суытачак.