Казанда Татарстан һәм Россия Тышкы эшләр министрлыгы хезмәттәшлеге турында фикер алыштылар
Дипломат Татарстан киләчәктә дә халыкара хезмәттәшлекне үстерүдә ярдәм итәчәк, дип ышана.
(Казан, 19 сентябрь, «Татар-информ»). Татарстан Премьер-министры Алексей Песошин Россия дипломанты, Россиянең Эстониядәге элеккеге Гадәттән тыш һәм Тулы вәкаләтле вәкиле Юрий Мерзляков белән очрашты. Бу турыда Татарстан Хөкүмәте матбугат хезмәте хәбәр итә.
Очрашу Татарстан Хөкүмәте Йортында узды. Анда Россия Тышкы эшләр министрлыгының Казандагы вәкиле Радик Вахитов та катнашты.
Мерзляков Татарстан Хөкүмәтенең Россия Тышкы эшләр министрлыгы вәкиллегенә игътибарлы мөнәсәбәтен билгеләп үтте һәм республика киләчәктә дә халыкара хезмәттәшлекне үстерүдә ярдәм итәчәк, дип ышана дипломат.
