Казанда Татарстан Хөкүмәте йорты янында ике чит ил машинасы бәрелешкән
Авариядә балалар кәнәфиендә булган кечкенә кыз баланың башы җәрәхәтләнгән.
Скопировать ссылку
(Казан, 8 гыйнвар, «Татар-информ»). Казанда ТР Хөкүмәте йорты янында ике чит ил машинасы бәрелешкән. Бу хакта «Татар-информ»га һәлакәт шаһитлары хәбәр итте.
ТР буенча Эчке эшләр министрлыгы матбугат хезмәтендә әйтүләренчә, бүген Ирек мәйданында Министрлар Кабинеты бинасы каршында «БМВ» һәм «Тойота» бәрелешкән.
Һәлакәттә «БМВ»да балалар кәнәфиендә булган кечкенә кыз баланың башы җәрәхәтләнгән.
