Казанда Татарстан дәүләт хезмәткәрләре спартакиадасына нәтиҗә ясадылар
Спартакиадада Татарстан Президенты Аппараты хезмәткәрләре җиңү яулады.
Скопировать ссылку
(Казан, 22 декабрь, «Татар-информ»). Казанда Татарстан дәүләт хезмәткәрләре спартакиадасына нәтиҗә ясадылар.
Быелның язында чаңгы ярышлары белән башланып киткән спартакиада шулай ук спортның волейбол, җиңел атлетика (эстафета), шахмат, йөзү, мини-футбол, өстәл теннисы, бадминтон һәм баскетбол кебек төрләрен үз эченә алды.
Спартакиадада ТР Президенты Аппараты хезмәткәрләре җиңү яулады, алар барлыгы 394 очко җыйды. ТР Министрлар Кабинеты Аппараты – икенче (390 очко), ТР Яшьләр эшләре һәм спорт министрлыгы (325 очко) өченче урынга лаек булды.