Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Казанда татар теленнән XII Халыкара олимпиада башланды
14 апрельдә Казанда татар теленнән XII Халыкара олимпиада башланды. Бу Татарстанның милли телләргә һәм мәдәниятләргә ярдәм итү буенча дәүләт программасы кысаларында уза, дип хәбәр итә республиканың Мәгариф һәм фән министрлыгы.
Быел олимпиадада Россиянең 28 төбәгеннән 500дән артык укучы, шулай ук Казахстан, Төркия, Кыргызстан һәм Азәрбайҗаннан кунаклар катнаша.
Катнашучылар өч номинациядә көч сынаша:
– Язма этап: лингвистика, татар әдәбияты һәм тарихы буенча тестлар;
– Сөйләм бәйгесе: тере сөйләм, артистизм һәм матур сөйләм күнекмәләрен күрсәтү;
– Проект эше: татар халкы тарихы, мәдәнияте һәм каһарманлык мирасы белән бәйле темаларга фәнни һәм иҗади проектлар тәкъдим итү.
Олимпиада 17 апрельгә кадәр дәвам итә һәм Идел буе физик культура, спорт һәм туризм академиясендә бүләкләү тантанасы белән төгәлләнәчәк.
Чараның төп максаты – татар телен саклау һәм популярлаштыру, яшьләрдә милли горурлык хисе һәм мәдәни тамырларга кызыксыну булдыру.
Кызыклы яңалыкларны күзәтеп бару өчен Телеграм-каналга язылыгыз