Фән һәм мәгариф 29 гыйнвар 2019 13:50

Казанда татар теле буенча республика олимпиадасының йомгаклау этабы башлана

Олимпиадада татар мәктәпләрендә укучылар катнаша.

Скопировать ссылку

(Казан, 29 гыйнвар, «Татар-информ»). 29-31 гыйнвар көннәрендә Казанда татар мәктәпләрендә укучылар өчен татар теле буенча республика олимпиадасының йомгаклау этабы башлана. Бу хакта чараны оештыручылар хәбәр итә.

Олимпиаданың йомгаклау этабы ТР Мәгариф һәм фән министрлыгы Республика олимпиада үзәгенең Дәрвишләр бистәсендә урнашкан «Дуслык» сәламәтләндерү-белем бирү комплексы базасында оештырылачак.

Бүген, 29 гыйнварда, олимпиадада катнашучылар Казанга килә һәм команда җитәкчеләренең киңәшмәсе узачак. Иртәгә олимпиада тантаналы төстә ачыла. Шуннан соң укучылар биремнәр чишәргә керешәчәк. Олимпиада 31 гыйнварда тантаналы төстә ябыла.

Бүген исә Казанда Татар теле һәм әдәбияты буенча төбәкара олимпиаданы ябу тантанасы була.

#татар теле буенча олимпиада #татар теле олимпиадасы

Сәхифәләр

Казанда татар теле буенча республика олимпиадасының йомгаклау этабы башлана