Казанда татар тарихы һәм мәдәнияте турында ачык лекторий башланды
Скопировать ссылку
«Түбәтәй» ширкәте һәм Бөтендөнья татар яшьләре форумы Бәшир Рәмиев исемендәге IT-паркта татар тарихы һәм мәдәнияте турында ачык лекторий башлап җибәрде. Бу хакта Бөтендөнья татар конгрессының матбугат хезмәте хәбәр итә.
Беренче лекция татар бакча мәдәниятенең матди һәм метафизик мәгънәсенә багышланды. Тыңлаучылар бакча белән мәңгелеккә портал һәм рухи камилләшү киңлеге буларак танышты. Шулай ук лекциядә шәхси коллекцияләрдән кулъязмалар һәм фотосурәтләр тәкъдим ителде.