Казанда «Татар мамык шәлләре» кичәсе булды
Оренбург өлкәсеннән Әбсәләмовлар гаиләсе 23 ел дәверендә шәл бәйләү белән шөгылләнә
Скопировать ссылку
(Казан, 13 декабрь, «Татар-информ»). Казанда «Татар мамык шәле» коллекциясен тәкъдим итү кичәсе узды.
«Татар Мамык Шәле» брендын Оренбург өлкәсеннән Әбсәләмовлар гаиләсе булдырган. Әлеге бизнес белән милли җанлы гаилә 23 ел дәверендә шөгылләнә. Бу турыда Бөтендөнья татар конгрессы хәбәр итте.
Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васыйл Шәйхразыев исеменнән чарада катнашучыларны БТК Башкарма комитеты җитәкчесе Данис Шакиров сәламләде, диелә.