Казанда "Татар малае-2018" бәйгесе финалы узачак
Казанның балалар бакчаларында 6-7 яшьлек малайлар арасында сайлап алу турлары үткән.
(Казан, 12 май, "Татар-информ", Гөлнар Гарифуллина). Тиздән, майның икенче яртысында, Казанда "Татар малае-2018" бәйгесе финалы узачак. Бу хакта "Татар-информ" агентлыгы хәбәрчесенә Бөтендөнья татар конгрессының "Ак калфак" иҗтимагый оешмасы рәисе Кадрия Идрисова хәбәр итте.
Аның сүзләренчә, хәзерге вакытта Казанның балалар бакчаларында 6-7 яшьлек малайлар арасында сайлап алу турлары үткән. Хәзер катнашучылар бәйгенең финал өлешенә әзерләнә.
Кичә "Казан" милли-мәдәни үзәгендә "Татар кызчыгы-2018" бәйгесенең финалы узды. Сигез нәни кызчык милли уеннар, гореф-гадәтләр, йолаларны сәхнәдә күрсәтүдә иҗади осталыкларын күрсәтте.