Казанда ташландык йорттагы янгында ир-ат һәлак булган
Янгынның сәбәбе — ут белән саксыз эш итү.
Скопировать ссылку
(Казан, 23 июнь, «Татар-информ»). Казандагы ташландык йортта төнге янгында ир-ат һәлак булган. Бу турыда Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Бүген иртәнге өченче яртыда 112 ашыгыч хезмәтләрне чакыртуның бердәм номерына Лебедев урамында өлешчә җимерелгән йорт януы турында хәбәр килде.
Янгын сүндерүчеләргә 80 кв. метр мәйданда янгынны тулысынча сүндерү өчен бер сәгать тирәсе вакыт кирәк булды.
Янгын сүндерүчеләр, иртән үк янган конструкцияләрне сүтеп, үлгән ир-атның мәетен ачыклый. Аның шәхесе билгеләнә.
Алдан ачыкланганча, янгынның сәбәбе — ут белән саксыз эш итү.