Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда танышының автомобилен урлап киткән ир-атны тоткарлаганнар
Җинаять кылган вакытта 44 яшьлек ир-ат исерек булган.
(Казан, 17 сентябрь, «Татар-информ»). Казанда танышының автомобилен урлап киткән ир-атны тоткарлаганнар. Бу турыда «Татар-информ»га Росгвардиянең Татарстан Республикасы буенча идарәсе матбугат хезмәте хәбәр итә.
Кичә 20.00 сәгать тирәсендә шәһәрнең Ведомстводан тыш сак идарәсе наряды «Перехват» планы игълан ителүе турында хәбәр алган. Краснодонская урамындагы шәхси йорт яныннан 9 нчы модельле «Лада» автомобилен урлап киткәннәр.
Росгвардиялеләр Ибраһимов белән Воровский урамнары чатында юлда үзен “сәер” тоткан урланган автомобильгә охшаш машинаны күреп алалар. Якындагы светофорда автомобильне туктатканнар. Руль артында 44 яшьлек исерек ир-ат утырган, автомобильгә документлары булмаган. Соңрак казанлының шәхси йортта бергә ремонт ясаган танышының автомобилен урлап китүе ачыкланган.
Автомобиль урлаучыны полиция хезмәктәрләренә тапшырганнар. Урлауда шикләнелгән затка «Машина урлау» маддәсе буенча җинаять эше кузгату мәсьәләсе хәл ителә.
Кызыклы яңалыкларны күзәтеп бару өчен Телеграм-каналга язылыгыз