Казанда такси таптаткан ир-атны авыр хәлдә хастаханәгә алып киткәннәр
Беренчел мәгълүматлар буенча, җәяүле рөхсәт ителмәгән урында юл аша йөгереп чыккан.
(Казан, 24 сентябрь, «Татар-информ», Полина Шевчук). Казанда такси таптаткан ир-ат каты имгәнгән. Бу турыда «Татар-информ» агентлыгына шәһәр Дәүләт автоинспекциясендә хәбәр иттеләр.
Һәлакәт бүген 18.30 сәгать тирәсендә Коләхмәтов урамында «Моки» сәүдә үзәге каршында булган.
Шаһитлар сүзләренчә, өлкән яшьтәге ир-ат рөхсәт ителмәгән урында юл аша йөгереп чыккан.
«Зыян күрүчене авыр хәлдә хастаханәгә алып киткәннәр. Аның башы имгәнгән, сынган урыннары бар. Һәлакәт урынында юл патруль хезмәте инспекторлары эшли. Юл-транспорт һәлакәте килеп чыгу сәбәпләрен ачыклыйлар», — диделәр ЮХИДИ идарәсендә.