Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда тагын бер яңа балалар бакчасы ачылды
Яңа бакча Совет районында ачыла торган 8 нчесе, ди район хакимияте башлыгы
(Казан, 7 ноябрь, «Татар-информ»). Бүген Казанның Совет районында “Бал корты” (“Пчелка”) дип исемләнгән катнаш төрдәге яңа балалар бакчасы ачылды. Әлеге шатлыклы вакыйга белән сабыйларны һәм аларның әти-әниләрен котлар өчен, Казан каласы Башкарма комитеты җитәкчесенең социаль мәсьәләләр буенча урынбасары Наталья Гречанникова килде.
Шулай ук тантаналы чарада мәгариф идарәсе башлыгы Илсур Һадиуллин, Совет районы башлыгы Рөстәм Гафаров һ.б. рәсми затлар катнашты.
Чыңгыз Айтматов урамы, 15 адресы буенча урнашкан балалар бакчасы 120 балага исәпләнгән. Бүгенге көндә ул кадрлар белән тулысынча тәэмин ителгән. Яңа мәктәпкәчә учреждение мөдире Ләйсән Гаффарова сүзләренә караганда, балаларга экологик белем бирү аша рухи-әхлакый тәрбия бирү – бакчаның өстенлекле юнәлеше булачак. “Безнең шәһәрнең яшь табигатьне өйрәнүчеләр үзәге белән килешүебез бар – бакчага укытучылар килеп, балаларны экологик тәрбияләү белән шөгыльләнәчәк, бу бушлай булачак”, - дип ассызыклады бакча мөдире.
Шулай ук балаларның физик, сөйләм үсешенә дә зур игътибар биреләчәген билгеләп үтте.
Рөстәм Гафаров яңа бакчаның Совет районында ачыла торган 8 нчесе икәнлеген әйтте.
Яңа бакчаның мөдире республика, шәһәр һәм район җитәкчелекләренә, шулай ук Казанның мәгариф идарәсенә һәм төзүчеләргә рәхмәтен белдерде, диелә мэриянең матбугат хезмәте хәбәрендә.
Кызыклы яңалыкларны күзәтеп бару өчен Телеграм-каналга язылыгыз