news_header_top_970_100
news_header_bot_970_100

Казанда табигать гүзәллеген ачкан фотолар күргәзмәсе ачыла

Иртәгә «Казан-Эрмитаж» үзәгендә фото остасы Сергей Максимовның һәм рәссам Альберт Тимершинның “Елның башка фасылы” дип исемләнгән уртак иҗади проекты булган күрг

(Казан, 25 ноябрь, “Татар-информ”). Иртәгә «Казан-Эрмитаж» үзәгендә фото остасы Сергей Максимовның һәм рәссам Альберт Тимершинның “Елның башка фасылы” дип исемләнгән уртак иҗади проекты булган күргәзмәсе ачыла.
Сергей Максимов – Россия фото рәссамнары берлеге әгъзасы. 2005 елдан профессиональ рәвештә фотолар төшерү белән шөгыльләнә. “Чор портреты” дип исемләнгән фото бәйгесендә лаеклы урыннар ала. 2008 елда “Минем Казан” дип аталган Беренче ачык шәһәр фото бәйгесендә Гран-прига лаек була.
Альберт Тимершин – ТР Рәссамнар берлеге әгъзасы. 2004 елда - Кытайның Пекин каласында, 2006 елда Казанда шәхси күргәзмәләре оештырыла.
Иртәгә ачылачак күргәзмәдә Сергей Максимовның табигать гүзәллеген чагылдырган фотолары урын ала. Әлеге хезмәтләрдә фотограф Альберт Тимершинның табигать күренешләрен рәссам буларак ачу осталыгына таяна. Экспозициядә ел фасыллары күренешләре төшерелгән фотолар белән танышып була, дип хәбәр итә ТР Мәдәният министрлыгының матбугат хезмәте.

news_right_column_1_240_400
news_right_column_2_240_400
news_bot_970_100