Хәвеф-хәтәр 26 июль 2017 12:29

Казанда суд югары уку йорты проректорын сак астына алды

Александр Кочнев караклыкта катнашы барлыкка шикләнелә.

Скопировать ссылку

(Казан, 26 июль, "Татар-информ", Александр Елисеев). Казанның Вахитов районы судына КНИТУ-КХТИ проректоры Александр Кочнев китерелде. Аңа “Аеруча зур күләмдә мошенниклык” маддәсе буенча гаепләү белдерелә.

Тикшерү идарәсе тикшерү вакытында Кочневны 17 сентябрьгә кадәр сак астында калдыруны сорый. Тикшерү фикеренчә, Кочневның әлеге эшкә катнашы барлыгын югары уку йорты кафедрасы хезмәткәре – гаепләнүче Дубовик күрсәтмәләре һәм алынган документлар нигезендә раслана. Тикшерү шулай ук ул иректә вакытта шаһитларга басым ясарга һәм дәлилләүче документларны юк итәргә мөмкин, дип белдерә.

“Мин өй сагында булуны сорар идем – беренчедән, тикшерүчеләр белән хезмәттәшлек итәм, икенчедән – качарга уйламыйм. Моннан тыш, онкология буенча операциядән соң сәламәтлегем белән җитди проблемалар бар. Шунлыктан миңа өй сагында калу яхшырак булыр иде”, – дип мөрәҗәгать итте судка Кочнев.

Вахитов районы суды Александр Кочневны 17 сентябрьгә кадәр сак астына алды.

#Суд #Кочнев

Сәхифәләр

Казанда суд югары уку йорты проректорын сак астына алды