Казанда Столяров урамындагы төзелә торган поликлиника бинасы янган
Һәлакәт урынына дүрткенче янгын-сүндерү часте хезмәткәрләре чыккан.
Скопировать ссылку
(Казан, 23 гыйнвар, “Татар-информ” ). Казанның Киров районында Столяров урамындагы төзелә торган 17нче поликлиника бинасы янган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.
Янгын турында хәбәр Казанның 112 ашыгыч хезмәте номерына бүген 16 сәгать 6 минутта алынган. Урынга 4нче янгын-сүндерү часте хезмәткәрләре чыккан. 40 минуттан янгын сүндерелгән. Зыян күрүчеләр юк.
