Спорт 20 декабрь 2004 18:17

Казанда спорт судьяларының Бөтенроссия семинары ачылды

Скопировать ссылку

(Казан, 20 декабрь, "Татар-информ", Наталья Рыбакова). Бүген Казанда өстәмә белем бирүче педагогларының квалификацияләрен күтәрү буенча Бөтенроссия семинары ачылды. Бер атналык укуга Россиянең 20 төбәгеннән туристлыкның күп төрле ярышлары буенча 150гә якын судья җыелган, аларның барысына да киләсе елның җәендә, укучыларның Татарстан башкаласында үтәчәк Бөтенроссия туристлык слетын оештыру һәм үткәрүдә катнашырга туры киләчәк.

2005 елның июлендә Россия һәм Белоруссиянең төрле почмакларыннан меңгә якын укучы Бөтенроссия туристлык слетына җыелачак. Зур спорт бәйрәме Казанның 1000 еллыгын үткәрү кысаларында үтәчәк. Бүген башланган уку вакытында булачак ярышлар судьяларына слет хәлен өйрәнергә, ярыш кагыйдәләре буенча фикер алышырга, мөмкин булган судья хаталарына анализ ясарга кирәк булачак. Семинарны оештыручылар - балалар-яшьләр туристлыгы һәм туган якны өйрәнү федераль үзәге һәм республиканың "Сәяхәт" методик үзәге.

Сәхифәләр

Казанда спорт судьяларының Бөтенроссия семинары ачылды