Казанда Солтан Габәши исемендәге беренче Милли музыка фестивале гала-концерты оештырыла
Гала-концертка Түбән Новгородтан Солтан Габәшинең оныкчыгы Әдилә Габәши дә килер дип көтелә.
Скопировать ссылку
25 февральдә 19.00 сәгатьтә Казан Ратушасында Солтан Габәши исемендәге беренче Милли музыка фестиваленең йомгаклау чарасы – гала-концерты була. Бу хакта Казан мэриясе матбугат хезмәте хәбәр итә.
Концертта Татарстанның халык артисты Резеда Галимова, Татарстанның атказанган артистлары Эльза Исламова, Алсу Фәйзуллина, җырчы Айгөл Гардисламова, «Алтын битлек» театр премиясе лауреаты, хореограф Нурбәк Батулла, биюче, хореограф Алсу Мәгъсүмҗанова, Айдар Ниязов җитәкчелегендәге милли музыка оркестры һәм башкалар катнаша.
Шулай ук Түбән Новгородтан Солтан Габәшинең оныкчыгы Әдилә Габәши дә килер дип көтелә.
- Солтан Габәши исемендәге беренче Милли музыка фестивален композитор, дирижер Айдар Ниязов Казан мэриясенең «Үз телем» проектлар конкурсында грант отканнан соң оештырып җибәрде. Җәй көне узган бәйгедә барлыгы алты кеше җиңеп чыккан иде.
