Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда Согуд Гарәбстаны һәм Төрекмәнстан консуллыгы ачылачак
Хәзер тиешле инициативалар федераль министрлыкларда карала.
(Казан, 10 февраль, «Татар-информ», Диана Авакян). Казанда Согуд Гарәбстаны һәм Төрекмәнстан үз консуллыкларын ачарга планлаштыра. Тиешле инициативалар федераль министрлыкларда һәм ведомстволарда эшләнә. Бу хакта «Татар-информ» мәгълүмат агентлыгына Россиянең Казандагы Тышкы эшләр министрлыгы вәкиле Радик Вахитов сөйләде.
«Сораулар дәүләтара дәрәҗәдә җайга салынгач, урыннарда эш башланачак, һәм вәкиллек Согуд һәм Төрекмәнстан хезмәттәшләренә һәртөрле ярдәм күрсәтәчәк», — диде ул.
Узган ел Татарстан башкаласында Үзбәкстанның Генераль консуллыгы ачылды. Аның ярдәмендә Казаннан Үзбәкстан шәһәрләренә рейслар саны арткан, үзбәк мәдәният үзәге ачылган, гражданнарны кабул итү актив алып барыла, дип өстәде Вахитов.
Моннан тыш, Казанда Төркия, Иран, Казахстан, Венгрия, Кытай генераль консуллыгы, Белоруссия илчелегенең Россиядәге бүлеге эшли, Франция, Испания, Белоруссия, Македония һәм Намибиянең мактаулы консуллары үз эшчәнлеген алып бара.
Кызыклы яңалыкларны күзәтеп бару өчен Телеграм-каналга язылыгыз