news_header_top_970_100
news_header_bot_970_100

Казанда соңгы 8 елда рекордлы югары температура теркәлгән

Уртача температура нормадан 13 градуска югары

 (Казан, 14 гыйнвар, «Татар-информ»). Бүген 15.00 сәгатьтә Казанның Авиатөзелеш районы территориясендә һава температурасы соңгы 8 елда иң югарысы – 2,7 градус җылы булуы күзәтелгән.

Элек иң югары температура 2007 елда 2,5 градус җылы булган иде, дип белдерә ТР Гидрометеорология һәм әйләнә-тирә мохитне күзәтү идарәсе.

Синоптиклар мондый җылы һава торышын Татарстанның актив Атлантик циклоннар йогынтысында булуына сылтый: бик җылы дымлы һава төньяктан салкын һава массаларын тоткарлый. Хәзерге вакытта республикада тәүлекнең уртача температурасы нормадан 13 градуска югарырак, ә көндезге температуралар - рекордлы.

autoscroll_news_right_240_400_2
news_bot_970_100