Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда «Слэм» фестивалендә бөтен илдән килгән шагыйрьләр чыгыш ясаячак
27 августта «Черек күл» паркында «Слэм» бөтенроссия заманча шигърият фестивалендә бөтен илдән публицистлар, шагыйрьләр һәм әдәби конкурслар лауреатлары чыгыш ясаячак.
Казан мэриясе хәбәр итүенчә, фестивальгә керү ирекле, тамашачылар өчен теркәлү инде ачык.
«Слэм» программасы ике өлешкә бүленгән: көндез мәйданда китап маркеты һәм своп, төрле нәшриятларның вәкилләре белән әдәби лекторий оештырылачак, шулай ук биредә балалар арасында шигырь укучылар конкурсы узачак. Кич белән паркта «Башка сүз» шигъри спектакле, бөтен Россиядән килгән заманча шагыйрьләр чыгышы һәм «Слэм» заманча шигърияткә ярдәм итү программасы резидентларыннан шигъри перфоманс планлаштырылган.
Тулы программа анонсы тиздән «Слэм»ның Telegram-каналында һәм «Вконтакте» социаль челтәре берләшмәсендә басылачак.
Фестиваль тамашачыларны поэзия формалары һәм юнәлешләре белән таныштыру, шәһәр халкына чыгыш ясаучы артистлар үрнәгендә шигъриятнең ни дәрәҗәдә төрле булырга мөмкин булуын һәм безнең һәркайсыбыз көндәлек тормышыбызда шигырь белән ничек еш очрашуын күрсәтү максатыннан оештырылган.
Кызыклы яңалыкларны күзәтеп бару өчен Телеграм-каналга язылыгыз