Спорт 24 март 2018 17:28

Казанда синхрон йөзү буенча Россия чемпионаты узачак

Ярышлар 25-27 апрельдә Спортның су төрләре сараенда үткәрелә.

Скопировать ссылку

(Казан, 24 март, “Татар-информ”). Казанда 25-27 апрельдә Спортның су төрләре сараенда синхрон йөзү буенча Россия чемпионаты узачак. Анда бөтен илдән иң яхшы синхрончылар катнашачак. Бу хакта Спорт һәм социаль проектлар дирекциясе матбугат хезмәте хәбәр итә.

Ярышларның беренче көнендә спортчылар турнирны катнаш программада ачачак, аннары “соло” категориясе техник программасы тәкъдим ителәчәк. Шулай ук 25 апрельдә турнирның ачылыш тантанасы узачак, бу көнне турнир төркемнәрнең ирекле программада чыгышы белән тәмамланачак.

26 апрельдә спортчылар “соло” ирекле программасында, шулай ук төркемнәр һәм дуэтлар чыгыш ясаячак. Россия чемпионаты 27 апрельдә дуэтларның ирекле программасы белән тәмамланачак.

Дирекция сайтында Россия чемпионатына билетлар сатыла башлады. Иртәнге сессияләрне карау өчен билетлар 100-150 сум торса, кичке сессиягә – 200-250 сум. Ярышлар көннәренә билетларны Спортның су төрләре сарае сайтыннан сатып алырга мөмкин.

#синхрон йөзү #чемпионат #спортның су төрләре сарае

Сәхифәләр

Казанда синхрон йөзү буенча Россия чемпионаты узачак