Мәдәният 16 декабрь 2009 10:58

Казанда шоколад күргәзмәсе ачыла

20 декабрьдә Казанда “Шоколадлы Раштуа” исемле күргәзмә ачыла

Скопировать ссылку

(Казан, 16 декабрь, “Татар-информ”). 20 декабрьдә Казанда “Шоколадлы Раштуа” исемле күргәзмә ачыла. Аны Мәскәүдәге Шоколад тарихы музее һәм “Эрмитаж-Казан” үзәге оештыра.
Музейга килүчеләрне кызыклы экскурсия, шоколад тарихына сәяхәт көтә. Экспонатлар арасында шоколадтан ясалган сыннар, бизәлгән калай савытлар, тәм-томнар формасындагы тартмачыклар, узган гасырның конфетлар савытлары коллекциясен күрергә мөмкин булачак.
Мәскәүдә Шоколад һәм какао тарихы музее быелның 19 мартында ачыла. Әлеге музейда «Красный Октябрь», «Рот Фронт» ачык акционерлык җәмгыятьләре һәм «Бабаевский» кондитер концерны дигән борынгы тәм-томнар фабрикалары музейларының бай мирасы тупланган. Музей тарафыннан тәкъдим ителгән экспозициядә шоколадның борынгы Майя заманасыннан алып бүгенге көнгә кадәрге тарихы ачыла, дип хәбәр иттеләр ТР Мәдәният министрлыгының матбугат хезмәтеннән.

Сәхифәләр

Казанда шоколад күргәзмәсе ачыла