Казанда шәһәрара автобус белән җиңел машина бәрелешеп, кешеләр имгәнгән
Якынча мәгълүматлар буенча җиңел машинадагы өч кеше зыян күргән.
Скопировать ссылку
(Казан, 25 август, «Татар-информ»). Казанда автобус белән җиңел машина бәрелешү аркасында кешеләр зыян күргән. Бу хакта “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Горький шоссесында «Заречье» лагерына борылган урында Казан– Васильево маршрутындагы шәһәрара автобус белән җиңел автомобиль бәрелешкән. Һәлакәт урынына 4 нче янгын сүндерү-коткару часте һәм ЮХИДИ хезмәткәрләре, табиблар килгән.
Якынча мәгълүматлар буенча җиңел машинадагы өч кеше зыян күргән, аларга урында ук ярдәм күрсәтелгән.
