Хәвеф-хәтәр 27 август 2016 10:49

Казанда сатучы кызны пычак белән чәнчеп үтергәннәр

Эш урынында үлгән кызга 22 яшь булган

Скопировать ссылку

(Казан, 27 август, "Татар-информ"). Кичә Казанның Чуйков урамында урнашкан кибеттә сатучы кыз үтерелгән.

Кичке 10нар тирәсендә бер ир-ат "Альпари" кибетенә кереп, 22 яшьлек сатучы кызга пычак белән кадаган. Ул алган яралардан фаҗига урынында үлгән. Әлеге коточкыч хәлнең шаһитлары полицейскийлар чакырткан, алар җинаятьчене тоткарлаган. Әлегә аның үтерелгән кыз белән таныш булу-булмавы әйтелми.

Әлеге очрак буенча бүген "Кеше үтерү" маддәсе буенча җинаять эше кузгатылган, аның буенча барлык материаллар Тикшерү комитетына тапшырылган. Фаҗиганең сәбәпләре ачыклана, дип хәбәр итте Россия Эчке эшләр министрлыгының Казан буенча идарәсе матбугат хезмәте җитәкчесе Рәшит Хәмидуллин.

(Гөлшат Ганиева әзерләде).

#Альпари #сатучы кыз

Сәхифәләр

Казанда сатучы кызны пычак белән чәнчеп үтергәннәр