news_header_top_970_100
news_header_bot_970_100

Казанда самолет һәм вертолетлар төзү буенча Бөтенроссия олимпиадасының төбәк туры узачак

Олимпиадада Кытайның Нанкин аэронавтика һәм астронавтика университеты студентлары да катнашырга теләк белдерде

(Казан, 2 ноябрь, “Татар–информ”). 16–19 ноябрь көннәрендә Туполев исемендәге Казан дәүләт техник университетында “Самолет һәм вертолетлар төзү” белгечлеге буенча Бөтенроссия студентлар олимпиадасының II (төбәк) туры узачак.
Олимпиадада Туполев исемендәге КДТУ, академик Королев исемендәге Самара дәүләт аэрокосмос университеты, Алексеев исемендәге Түбән Новгород дәүләт техник университеты, Воронеж дәүләт техник университеты, Мәскәү авиация институты командалары катнаша. Олимпиадада Кытайның Нанкин аэронавтика һәм астронавтика университеты студентлары да катнашырга теләк белдерде, дип хәбәр итә КДТУ–КАИның матбугат хезмәте.
Олимпиада кысаларында анда катнашучылар проектлаштыру буенча классик конкурс биремнәрен, шулай ук “Туполев” ААҖнең Казан филиалы һәм “Сокол” тәҗрибә–конструкторлык бюросы” ААҖ тематикасы буенча реаль проект биремнәрен чишәчәк.
Олимпиада нәтиҗәләре буенча җиңүчеләр һәм призерларга бүләкләр тапшырылачак, шулай ук ХХI гасыр авиациясе перспективалары буенча бәхәс клубы узачак.






news_right_column_1_240_400
news_right_column_2_240_400
news_bot_970_100