Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Иран Президенты Масуд Пезешкиан: БРИКС бер поляр дөньяга чик куячак
БРИКСта катнашучы илләрнең үзара хезмәттәшлеге Американың бер поляр дөньясын бетерәчәк. Бу хакта Иран Президенты Масуд Пезешкиан Казанга оешма саммитына очар алдыннан IRIB телеканалы эфирындагы белдерде.
«Бу саммитта катнашачак дәүләт башлыклары БРИКСка үз карашларын тәкъдим итәчәк, бу сәфәр Американың бер поляр дөньясын караңгылатырга мөмкин. БРИКС - Америка тоталитаризмыннан чыгуга юл», - дип ышаныч белдерде сәясәтче (ТАСС буенча цитата).
«Сәфәр Россия Президенты Владимир Путин чакыруы буенча үткәрелә һәм ул күп поляр дөнья төзергә омтылучы БРИКС илләре лидерлары очрашуыннан гыйбарәт», - диде Пезешкиан.
Иран Ислам Республикасы Президенты фикеренчә, БРИКСта хезмәттәшлек «бердәмлек» өчен, шулай ук Кушма Штатлардан һәм Америка долларына бәйлелекне киметү өчен кирәк. Пезешкиан шулай ук саммит барышында «энергетика, сәнәгать, сәүдә һәм туризм өлкәсендә яхшы килешүләргә ирешергә», ә аның кырларында РФ Президенты, Һиндстан Премьер-министры Нарендра Моди һәм Кытай Халык республикасы Рәисе Си Цзиньпин белән сөйләшүләр уздырырга исәп тотуын өстәде.
«Татар-информ» хәбәр иткәнчә, бүген Казанда БРИКСның 16нчы саммиты башлана, ул өч көн дәвам итә. Чара рәсми булмаган төшке ашка килүче катнашучы илләр делегацияләре башлыкларының очрашу тантанасыннан башланачак.
Кызыклы яңалыкларны күзәтеп бару өчен Телеграм-каналга язылыгыз