news_header_top_970_100
news_header_bot_970_100

Казанда «Шәмаил Art. Татар каллиграфиясе һәм заманча рәсем сәнгате» дәресләре була

Бушлай курска теләгән һәркем килә ала.

Казанда «Шәмаил Art. Татар каллиграфиясе һәм заманча рәсем сәнгате» дәресләре була
Михаил Захаров/архив

24 сентябрь 11.00 сәгатьтә «Шәмаил Art. Татар каллиграфиясе һәм заманча рәсем сәнгате» курсы була. Чара Заманча сәнгать галереясендә узачак.

«Күргәзмә буенча экскурсияне Татарстан Сынлы сәнгать музееның гыйльми сәркатибе Гөлнара Мансурова үткәрә. Рәссам, сәнгать белеме кандидаты Рөстәм Шәмсутов заманча гарәп-график сәнгатенең стилен һәм юнәлешләре турында, әдәбият галиме-текстолог, нәкышчы, Татарстанның атказанган сәнгать эшлеклесе Нәҗип Нәккаш татар шәмаилләре үзенчәлекләре һәм тугралар сәнгате турында сөйләячәк, дип хәбәр итә Бөтендөнья татар яшьләре форумының матбугат хезмәте.

Шулай ук курста Галимҗан Ибраһимов исемендәге Тел, әдәбият һәм сәнгать институтының Рәсем һәм декоратив-гамәли сәнгать бүлеге мөдире, сәнгать фәннәре докторы Рауза Солтанова шәамил сәнгате үсеше тенденцияләр турында бәян итәчәк, диелә хәбәрдә.

Курслар түләүсез, анда һәркем катнаша ала. Катнашучыларга шушы сылтамага басып теркәлү сорала

Курсның икенче модуле октябрьнең башында булачак.

news_right_column_1_240_400
news_right_column_2_240_400
news_bot_970_100