Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Казанда шәкертләр арасында татар теле, әдәбияты һәм тарихы буенча V Олимпиада узачак
Татарстанда мәдрәсә һәм ислам югары уку йортлары шәкертләре арасында татар теле, татар әдәбияты һәм татар халкы тарихы буенча V Республика олимпиадасы узачак. Олимпиада Россия ислам институты башлангычы һәм ярдәме белән Татарстан мөселманнары Диния нәзарәте теләктәшлегендә уздырыла. Бу хакта ТР Диния нәзарәте матбугат хезмәте хәбәр итә.
Интеллектуаль ярышларның төп максаты – студентларны татар теленә якынайту, татар мәдәниятенә хөрмәт тәрбияләү, сөйләм әдәбен камилләштерү.
Татар теленнән олимпиада язмача (тест формасында), аерым биремнәрне үтәп узачак. Тест фонетика, лексикология, морфология, синтаксис һәм пунктуация буенча биремнәрне үз эченә ала һәм студентларның теоретик белем дәрәҗәсен, аларны практикада куллана белүләрен ачыклауга юнәлдерелә.
Татар әдәбиятыннан олимпиада тикшеренү эшен (кызлар өчен) яклаудан һәм телдән вәгазь сөйләүдән (егетләр өчен) гыйбарәт. Кызлар Нигезләмәдә тәкъдим ителгән темаларның берсенә тикшерү эшен алдан ук әзерләп куярга тиеш. Олимпиада вакытында алар жюри игътибарына тикшеренү эшенең төп асылын чагылдырган презентация тәкъдим итәчәкләр һәм сорауларга җавап бирәчәкләр. Эшне яклау өчен 7-10 минут вакыт бирелә. Ә егетләр 10-15 минут эчендә телдән ирекле темага алдан әзерләнгән вәгазьнең эчтәлеген сөйләргә тиеш булалар.
Татар халкы тарихы буенча олимпиада тесттан тора, чыгыш әзерләүне һәм тәкъдим ителгән темалар буенча презентацияне үз эченә ала.
Олимпиадада һәр мәдрәсәдән һәр номинация буенча бер кеше катнаша ала, ә ислам югары уку йортыннан ике кеше рөхсәт ителә.
Җиңүчеләр һәм призерлар 3 юнәлешнең һәркайсында олимпиада нәтиҗәләре буенча аерым билгеләнәчәк.
Олимпиадада катнашырга теләүчеләргә 2025нче елның 20нче апреленә кадәр исем-фамилия, әтисенең исеме, телефон номеры, электрон адрес, уку йорты, олимпиада юнәлеше һәм укытучыны күрсәтеп riitatkafedra@mail.ru почтасына гариза юлларга кирәк.
Кызыклы яңалыкларны күзәтеп бару өчен Телеграм-каналга язылыгыз