Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда «Сайлау ноктасы» мәгълүмат үзәге ачылды
Яшьләр көнендә Казанның Кремль яр буенда Татарстан Үзәк сайлау комиссиясенең «Сайлау ноктасы» мәгълүмат үзәге ачылды. Проект Дәүләт Думасы депутатларын сайлауга һәм республика Дәүләт Советына өстәмә сайлауларга багышланган.
Республика Үзәк сайлау комиссиясе рәисе Андрей Кондратьев «Сайлау ноктасы» Татарстанның сайлау системасы өчен инде матур гадәткә әйләнде, дип билгеләп үтте. Быел проект Казан чикләреннән чыгачак һәм республиканың алты бермандатлы округының бердәм мәгълүмати киңлегенең бер өлеше булачак.
«Без бу проектка ихтыяҗ булуын күрәбез. Сайлаучыларның һәрвакыт сораулары була, бигрәк тә тавыш бирүдә катнашу өчен яңа сервислар һәм яңа мөмкинлекләр барлыкка килгәннән соң. Бу сайлаучылар белән даими аралашу урыны булачак, дип саныйм», – диде Кондратьев.
Яшьләр эшләре министры Азат Кадыйров мәйданчык яшьләр белән аңлаешлы телдә сөйләшергә мөмкинлек бирәчәк, дип ассызыклады. Үзәктә территориаль комиссияләрнең әгъзалары һәм волонтерлар эшләячәк, алар «Мобиль сайлаучы» һәм «ИнформУИК» сервислары турында сөйләячәк, шулай ук гражданнарның сорауларына җавап бирәчәк.
Кызыклы яңалыкларны күзәтеп бару өчен Телеграм-каналга язылыгыз