Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда сәламәтлеге чикле балалар укый торган интернатка 4 млн сумлык җиһаз биргәннәр
«Мәгариф» милли проекты кысаларында өстәмә белем бирү, психолог, дефектолог, логопед, хезмәт бүлмәләренә заманча яңа җиһазлар куелган.
(Казан, 3 март, «Татар-информ», Гөлүзә Ибраһимова). Казанда сәламәтлеге чикле булган балалар укый торган 4 номерлы интернат-мәктәпкә «Мәгариф» милли проекты кысаларында 4 млн сумга яңа җиһазлар кайтарганнар. Бу хакта мәктәп директоры Зөлфия Габидуллина мәктәптә журналистлар белән очрашу вакытында сөйләде.
«Былтыр безнең мәктәп „Мәгариф“ илкүләм проекты кысаларында „Заманча мәктәп“ федераль проектында катнашты. Проект кысаларында өстәмә белем бирү, психолог, дефектолог, логопед, хезмәт бүлмәләренә 4 млн 160 мең сумлык заманча яңа җиһазлар куелды һәм бүлмәләрдә 460 мең сумга ремонт ясалды. Йөрү мөмкинлеге чикләнгән балаларны укытканда инновацион җиһазлар куллану бик уңайлы», — диде Зөлфия Габидуллина
2019-2020 уку елына мәктәптә 24 сыйныф бүлмәсе җиһазландырылган.
«Мәктәптә 7 яшьтән алып 21 яшькә кадәр булган 191 бала белем ала, 26 бала өйдә укыту системасында. Укудан соң балалар дәвалау бүлмәләренә йөри. Сәламәтлекләрендә аз гына алга китеш булу да безнең өчен зур нәтиҗә», — ди Зөлфия Габидуллина.
Татарстанда «Мәгариф» милли проектының «Заманча мәктәп» федераль проекты буенча 2019 елда сәламәтлек мөмкинлекләре чикләнгән балалар өчен 17 мәктәп җиһазландырылган.
Галерея: Школа-интернат № 4
Кызыклы яңалыкларны күзәтеп бару өчен Телеграм-каналга язылыгыз