Казанда сәүдә үзәкләре янында вакцина ясату мобиль пунктлары барлыкка килде
Гриппка каршы прививканы теләгән һәркемгә бушка ясыйлар.
(Казан, 20 сентябрь, "Татар-информ"). Казанның ике сәүдә үзәге каршында вакцина ясату мобиль пунктлары барлыкка килде.
“Мега” сәүдә үзәге һәм “Тандем” сәүдә-күңел ачу үзәге янында табиблар шәһәр халкына иртәнге 10:00 кичке 18:00 кадәр вакцина ясаячак. Мобиль пунктлар шимбә һәм якшәмбе көннәрендә 7 октябрьгә кадәр эшлиячәк.
“Казан ярминкәсе” Күргәзмә үзәге территориясендә 25 сентябрьдә экспресс-прививка пункты ачылачак.
“Вакцинацияне ОМС полисы буенча теркәлгән медицина оешмасында ясатырга була. Моның өчен алдан язылу кирәкми. Вакцинацияне бушлай ясыйлар”, - диделәр ТР Сәламәтлек саклау министрлыгы матбугат хезмәтендә.