news_header_top
16+
news_header_bot
news_top

Казанда рус әдәбиятыннан “Виктория” интеллектуаль уены үткәрелә

Аны Казан шәһәре мәгариф идарәсе оештыра

(Казан, 12 март, “Татар-информ”). Казан шәһәренең 51 нче мәктәбендә (К.Тинчурин ур., 3) рус әдәбиятыннан уздырыла торган “Виктория” интеллектуаль уенының бүген 2нче көне. Быел 10 мартта старт алган шәһәркүләм уен 1991 елдан бирле уздырыла һәм Россия киңлегендә ул проектның тиңдәше юк, дип хәбәр итә аны оештыручы Казан шәһәре Башкарма комитетының мәгариф идарәсе.

Уенның быелгысы “Аның каршында баш ию оят түгел” темасына А.П.Чеховның тууына 150 ел тулуга яраштырылган, ә уенның соңгы көне 19 мартка билгеләнгән. Шәһәр мэриясеннән алынган мәгълүмат буенча, “Виктория” интеллектуаль уенында бу юлы Казанның 20 мәктәбеннән 350ләп укучы катнаша, 19 марттагысында, беренче тапкыр буларак, рус теле һәм әдәбияты укытучыларыннан торган 7 команда көч сынашачак.

Уенның исә хәтта үз гимны бар, һәр команда исә А.П.Чехов пьесалары өзекләреннән төзелгән сәхнәләштерелгән чыгышлар әзерләгән.


news_right_1
news_right_2
news_bot