Спорт 23 ноябрь 2015 10:37

Казанда Россиянең авиация вузлары спартакиадасы тәмамланды

Казан авиация институты икенче урынга лаек булган

Скопировать ссылку

(Казан, 23 ноябрь, “Татар-информ”). 20-22 ноябрь көннәрендә “КАИ Олимп” спорт комплексы базасында I Россия авиация вузлары спартакиадасы узды. Ярышларда А. Н. Туполев исемендәге Казан илкүләм тикшеренү техник университеты-КАИдан, Мәскәү авиация институтыннан, Уфа дәүләт авиация техник университеты һәм С. П. Королев исемендәге Самара дәүләт аэрокосмик университетыннан 200 дән артык студент катнашкан, дип хәбәр ителә ТР Яшьләр эшләре һәм спорт министрлыгы сайтында. Студентлар 6 спорт төрендә көч сынашып, ГТО нормаларын тапшырган.

Ярыш нәтиҗәләре буенча, Россия авиация югары уку йортлары арасында үткән беренче спартакиадада гомумкоманда зачетында Мәскәү авиация институты җыелмасы җиңү яулаган, Казан авиация институты икенче урынга лаек булган, Уфа дәүләт авиация техник университеты өченче урынны алган. Командаларга медальләр, кубок һәм истәлекле бүләкләр тапшырылган.

Черлидинг: беренче урында МАИ-МАТИ, икенче урында КИТТУ-КАИ, өченче урында УДАТУ;

бадминтон: УДАТУ, МАИ-МАТИ, СДАУ;

йөзү: МАИ-МАТИ, УДАТУ, КИТТУ-КАИ;

баскетбол: СДАУ, УДАТУ, КИТТУ-КАИ;

волейбол: КИТТУ-КАИ, УДАТУ, МАИ-МАТИ;

мини-футбол: КИТТУ-КАИ, МАИ-МАТИ, СДАУ.

Сәхифәләр

Казанда Россиянең авиация вузлары спартакиадасы тәмамланды