Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда Россия киносы тарихына багышланган күргәзмә ачыла
8 октябрьдән Татарстан Милли музеенда Дәүләт үзәк кино музееның «Путем кинопленки» күргәзмәсе эшли башлый. Экспозиция Россия кинематографының йөз елдан артык тарихын һәм аның ил тарихындагы мөһим вакыйгалар белән бәйләнешен тәкъдим итә.
Күргәзмәдә Дәүләт үзәк кино музее һәм Татарстан Милли музее фондларыннан 400гә якын экспонат урын алачак. Экспозиция XX гасыр башында Россия кинематографы барлыкка килгән чордан башлап советлар чорыннан соңгы кинога кадәрге вакыт аралыгын колачлый.
Килүчеләр кино сәнгатенең җәмгыятьтәге үзгәрешләр белән бергә ничек үсүен, кино теле һәм фильм төшерү ысулларының ничек үзгәрүен күрсәтә торган уникаль экспонатлар белән таныша алачак.
Алар арасында XX гасыр башында кулланылган кул приводы белән «Патэ-камера» кино төшерү аппараты, НЭП чоры күлмәкләре, шулай ук «Герой нашего времени» (1965), «Москва слезам не верит» (1979), «Орда» (2012), «Трудно быть богом» (2013) фильмнарында кулланылган костюмнар бар.
Яшь чикләве – 6+.
Яңалыкларны күзәтеп бару өчен Макс-каналга язылыгыз