Авыл 20 ноябрь 2009 11:33

Казанда Россия фәнни–тикшеренү учреждениеләренең хисап сессиясе уза

Чара 23–27 ноябрь көннәрендә үтәчәк

Скопировать ссылку

(Казан, 20 ноябрь, “Татар–информ”). 23–27 ноябрь көннәрендә Татарстан авыл хуҗалыгы фәнни–тикшеренү институты базасында 2009 елдагы фәнни–җитештерү эшчәнлеге нәтиҗәләре буенча Россия авыл хуҗалыгы академиясенең үсемлекчелек бүлеге фәнни–тикшеренү учреждениеләренең хисап сессиясе узачак, дип хәбәр итә ТР Авыл хуҗалыгы һәм азык–төлек министрлыгының матбугат хезмәте.
Сессиядә Россиянең 33 әйдәп баручы фәнни–тикшеренү институты җитәкчеләре, Россия Фәннәр академиясе һәм Россия Авыл хуҗалыгы фәннәре академиясе академиклары катнаша. Беренче көнне, хисап сессиясе программасы нигезендә, экологик иминлек һәм үсемлекчелектә иң югары нәтиҗәлелек тәэмин итүче авыл хуҗалыгы культураларын игү технологияләрен камилләштерү буенча докладлар тыңланачак. Программада үсемлекләрне саклау системасы буенча да докладлар каралган. Сессиядә катнашучылар үсемлекчелек өлкәсендәге тикшеренүләрнең фәнни өстенлекләрен һәм башка мәсьәләләрне караячак.

Сәхифәләр

Казанда Россия фәнни–тикшеренү учреждениеләренең хисап сессиясе уза