Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда Росгвардия хәрбие суга батучы кызны коткарган
Кыз катамаранда селфи ясарга теләгән, әмма ычкынып китеп, суга барып төшкән.
(Казан, 2 август, «Татар-информ»). Казанда Росгвардия хәрбие суга батучы кызны коткарган. Бу хакта «Татар-информ» агентлыгына Россия милли гвардия гаскәрләре федераль хезмәтенең ТР буенча территориаль идарәсе матбугат хезмәтеннән хәбәр иттеләр.
Ике кыз Казанның Җиңү паркындагы күлдә катамаранда йөзәргә карар кылган. Аларның берсе селфи ясарга теләп көймә кырыена баскан, әмма ычкынып китеп, суга барып төшкән һәм бата башлаган. Аның иптәш кызы паникага бирелеп, ярдәм сорап кычкырырга керешкән.
Өлкән лейтенант Алексей Пунько, кычкырган тавышларны ишетеп, ике дә уйлап тормыйча ярдәмгә ташланган. Ул алар янына йөзеп барып, зыян күрүчегә катамаранга күтәрелергә ярдәм иткән һәм көймәне яр буена алып чыккан.
Алексей Пунько кызларга медицина ярдәме кирәкмәвенә инанганнан соң, яңадан үзенең хезмәт вазифаларына керешкән.
Кызыклы яңалыкларны күзәтеп бару өчен Телеграм-каналга язылыгыз