Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда РФ Президенты кубогында катнашучылар авиаһәлакәт корбаннарын бер минутлык тынлык белән искә алды
Ростов-на-Донуда Дубайдан кайтучы Boeing 737-800 самолеты һәлакәткә юлыгып, аның бортындагы 62 кешенең гомере өзелде
(Казан, 19 март, «Татар-информ», Кристина Иванова). Казанда башланган авыр атлетика буенча РФ Президенты Кубогында катнашучылар бүген Ростов-на-Донуда авиаһәлакәттә үлүчеләрне бер минутлык тынлык белән искә алды.
Турнир ачылышы алдыннан кунаклар һәм катнашучылар басып фаҗиганең 62 корбанын бер минут тынлык белән искә алды.
Искәртәбез: Дубайдан Ростов-на-Донуга рейс кылган Boeing 737-800 пассажир самолеты шимбә 3.42дә һәлакәткә юлыкты. Россия Гадәттән тыш хәлләр министрлыгы мәгълүматлары буенча, лайнер бортында 62 кеше булган - 55 пассажир һәм 7 экипаж әгъзасы. Алар барысы да һәлак булган.
РФ Президенты кубогы Рио-де-Жанейродагы Олимпия уеннарына сайлап алу этапларының берсе санала. Һәр авырлык категориясендә җиңүчеләр 5әр мең доллар алачак, гомум зачетта җиңгән команда Россия Президенты кубогы белән бүләкләнә. Ярышларда 11 илдән 40ка якын спортчы катнаша. Турнир 2011 елда гамәлгә куелган һәм ел саен үткәрелә. Казан бу ярышларны беренче тапкыр кабул итә.
Кызыклы яңалыкларны күзәтеп бару өчен Телеграм-каналга язылыгыз