Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда реклама корылмаларының санын киметәчәкләр
Шәһәр урамнарында рекламаны азайту шәһәр мохитенең тышкы матурлыгын яхшыртырга мөмкинлек бирәчәк.
(Казан, 20 ноябрь, «Татар-информ», Гүзәл Гайнанова). Казанда шәһәр мохите эстетикасын камилләштерү буенча чаралар үткәрүгә бәйле рәвештә реклама корылмаларының санын киметәчәкләр. Казан Башкарма комитетының Тышкы реклама һәм мәгълүмат идарәсе башлыгы Әскәр Баһаветдинов эшлекле дүшәмбе киңәшмәсендә шулай дип белдерде.
«Хәзерге вакытта реклама конструкцияләрен урнаштыру буенча яңа схемалар әзерләнә һәм шәһәр урамнарында аларны алга таба киметү күздә тотыла», - дип хәбәр итте Әскәр Баһаветдинов. Яңа схемада Академик Панин, Мәүлетов, Оренбург тракты, Декабристлар, Татарстан, Достоевский, Сәлимҗанов һәм Назарбаев урамнарында аларның санын сизелерлек киметү күздә тотыла, дип искәртте ул.
Шәһәр урамнарында рекламаларны азайту эше берничә ел дәвамында алып барыла. 2006 елда аларның саны 2200 булса, 2016 елда 1340ка калган, диде Баһаветдинов.
Кызыклы яңалыкларны күзәтеп бару өчен Телеграм-каналга язылыгыз