Казанда Равилә Шәйдуллина-Мурат иҗатына багышланган әдәби кичә узачак
Скопировать ссылку
2026 елның 11 ноябрендә Казан федераль университетының Филология һәм мәдәниятара багланышлар институтында «Көзләрдән юату эзләмә!» – Равилә Шәйдуллина-Муратның әдәби дөньясы…» дип исемләнгән әдәби кичә узачак. Чара Татарстанда югары педагогик белем бирүнең 150 еллыгына һәм Көнчыгыш педагогия институтында татар бүлеге ачылуның 100 еллыгына багышлана. Бу хакта ТР Язучылар берлеге матбугат хезмәте хәбәр итә.
- Равилә Шәйдуллина-Мурат – Казан педагогия институтының татар бүлеген тәмамлаган күренекле язучы һәм эшмәкәр. Ул татар әдәбиятында үзенә генә хас сәнгати дөнья тудырган әдипләрнең берсе. Аның әсәрләрендә милли рух, гаилә кыйммәтләре, тарихи хәтер, туган җиргә мәхәббәт һәм кеше язмышы мәсьәләләре чагылыш таба.
Очрашу 11 ноябрь көнне 14:00 сәгатьтә башланачак.