news_header_top
16+
news_header_bot
news_top

Казанда Рөстәм Закиров концерты узачак

30 гыйнварда Г.Тукай исемендәге Татар дәүләт филармониясендә Татарстанның атказанган артисты Рөстәм Закировның “Пошалым чаналары-2010” исемле концерты узачак

(Казан, 27 гыйнвар, “Татар-информ”, Ләйсән Әсәдуллина). 30 гыйнварда Г.Тукай исемендәге Татар дәүләт филармониясендә Татарстанның атказанган артисты Рөстәм Закировның “Пошалым чаналары-2010” исемле концерты узачак.
Концерт исеме тарихы бик кызыклы. 2004 елдан Арча районы Югары, Урта һәм Түбән Пошалым авылларында җырчы Рөстәм Закиров татар музыка бәйгесен уздыра. Туган якларына артист “Пошалым чаналары” дигән җырын багышлый. Булачак концертта төрле елларда узган әлеге бәйгенең лауреатлары катнаша. Алар арасында танылган җырчы Илназ Бәһаветдинов та бар.
Рөстәм Закиров “Татар-информ” агентлыгына хәбәр иткәнчә, концертта татар эстрадасының күренекле йолдызлары – Резеда Шәрәфиева, Гүзәл Идрисова, Люция Мусина һәм башка җырчылар катнаша. Рөстәм иҗатын сөючеләр аның башкаруында популярлык казанган халык һәм эстрада җырларын тыңлау бәхетенә ирешәчәк. Музыка кичәсе кичке 18 сәгатьтә башлана.

news_right_1
news_right_2
news_bot