Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда Рәшит Ваһаповка һәйкәл кую буенча актив эш башланачак
Казанда Рәшит Ваһаповның тууына 110 ел тулу уңаеннан искә алу чаралары узачак.
(Казан, 3 май, “Татар-информ”). Киләчәктә Казан урамнарының берсендә Татарстанның халык артисты Рәшит Ваһаповка һәйкәл куелачак. "Казанда Рәшит Ваһаповка һәйкәл кую турында ун ел элек карар чыккан иде. Хәзер легендар җырчының 110 еллыгы үткән елны бу мәсьәләдә актив эш башлана”, - дип аңлатып үтте Рәшит Ваһапов исемендәге мәдәниятне үстерү фонды җитәкчесе Рифат Фәттахов.
Искәртеп үтәбез, 7 майда Татарстанның халык артисты Рәшит Ваһаповның тууына 110 ел тула. Татарстанның халык артисты Рәшит Ваһаповның туган көнендә Казанда легендар артистны искә алу чаралары үткәрелә.
Көндезге 11.00 сәгатьтә киң җәмәгатьчелек Рәшит Ваһаповның яңа Татар зиратындагы каберенә чәчәкләр сала, искә алу митингы үтә.
"Шул ук көнне Рәшит Ваһапов исемендәге Халыкара татар җыры фестиваленең Кайгыртучылар Советы бу истәлекле вакыйга уңаеннан махсус утырыш үткәрә. Биредә җырчы рухына Коръән укылачак. Рәшит Ваһаповның мирасын барлау, исемен мәңгеләштерү хакында сүз булачак, - Рифат Фәттахов. - Рәшит Ваһапов белән бәйле бик күп архив материаллары бар. Аларны китап итеп чыгарасы иде, - ди Рәшит Ваһапов исемендәге мәдәниятне үстерү фонды җитәкчесе Рифат Фәттахов.
Бөек җырчының юбилеена багышланган фестиваль чаралары Казанда һәм башка төбәкләрдә көз көне үтәчәк.
Кызыклы яңалыкларны күзәтеп бару өчен Телеграм-каналга язылыгыз