Казанда “Порт” сәүдә үзәгендә янгында зыян күрүчеләр юк
Янгын бүген иртән сәүдә үзәгенең беренче катында килеп чыккан.
Скопировать ссылку
(Казан, 5 июнь, “Татар-информ”). Казанда “Порт” сәүдә үзәгендә янгында беркем дә зыян күрмәде. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
- Бүген иртән Казанда Оренбург трактындагы “Порт” сәүдә үзәгендә беренче катта янгын чыкты.
Гадәттән тыш хәл булган урында Казан янгын-коткару гарнизонының 80 хезмәткәре һәм 21 берәмлек техника эшли. Төтенләнгән бинадан 20 хезмәткәр һәм сак хезмәтендәге кешеләр чыгарылган.
"Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр итүләренчә, янгында беркем дә зыян күрмәгән.
