news_header_top_970_100
news_header_bot_970_100

Казанда полиция хезмәткәрләре 80 млн сумлык синтетик наркотик яшерелгән урынны тапкан

Тикшерү-оператив чараларда РФ Куркынычсызлык хезмәтенең ТР буенча идарәсе хезмәткәрләре катнашты

  (Казан, 17 октябрь, «Татар-информ»). Казанның Константиновка бистәсендә Татарстан полициясе һәм РФ Куркынычсызлык хезмәтенең ТР буенча идарәсе хезмәткәрләре наркотикларның эре партиясен алган, дип хәбәр итә бүген ТР буенча ЭЭМ.
Яшерен урын турындагы мәгълүмат “Наркотикларсыз тормыш” акциясе барышында белдерелгән. Яшерелгән урыннан гомум массасы 9 кг булган 15 брикет билгесез матдә алынган, ул 200 мең бер кулланылышлы доза дигән сүз. Бу матдәнең бәясе 80 млн сумнан артык тәшкил итә.
Яшерен урыннан алынган матдә ТР буенча ЭЭМ ның Эксперт-криминалистика үзәгенә тикшерүгә җибәрелгән. Экспертлар аның РВ-22 синтетик наркотик матдә икәнлеген ачыклаган.

news_right_column_1_240_400
news_right_column_2_240_400
news_bot_970_100