Дин 25 апрель 2016 12:23

Казанда Пасха гыйбадәтләре митрополит Феофан җитәкчелегендә узачак

Казан каласы Башкарма комитетының телләрне үстерү һәм җәмәгать оешмалары белән багланышлар бүлеге вәкиле шул хакта аңлатма бирде

Скопировать ссылку

(Казан, 25 апрель, “Татар-информ”, Миләүшә Низаметдинова). Православиелеләрнең Пасха бәйрәме быел 1 майга (католиклар аны 27 мартта билгеләп үтте) туры килә, шул рәвешле, 7 атналык Бөек ураза тәмам була. Казандагы барлык православие храмнарында 30 апрельдән 1 майга каршы төндә бәйрәм гыйбадәтләре үткәреләчәк. Казан кремлендәге Благовещение соборында Пасха гыйбадәтләре 1 май кичке 6да Казан һәм Татарстан митрополиты Феофан җитәкчелегендә узачак.

Бүген бу хакта Казан каласы Башкарма комитетының телләрне үстерү һәм җәмәгать оешмалары белән багланышлар бүлеге җитәкчесе урынбасары Егор Тимофеев шәһәр җитәкчелегенең “эшлекле дүшәмбе” киңәшмәсендә белдерде. Киңәшмәгә рәислек иткән Башкарма комитет башлыгы Денис Калинкин Пасха билгеләп үтеләсе төндә медицина бригадалары, транспорт һәм җәмәгать тәртибе тәэминаты мәсьәләләренә игътибарны юнәлтеп, тиешле структуралар җитәкчеләренә шуңа әзерлек эшләре башлауны йөкләде һәм, диндарларның изге бәйрәмдә кәефен кырырлык берни булырга тиеш түгел, дип кисәтте.

Сәхифәләр

Казанда Пасха гыйбадәтләре митрополит Феофан җитәкчелегендә узачак