Спорт 16 июль 2024 22:15

Казанда «Паркта уйныйбыз!» фестивале була

Скопировать ссылку

21 июльдә Казанның Горки-Әмәт урманында «Паркта уйныйбыз!» фестивале уза. Кунаклар турнирларда, лекцияләрдә, рольләргә бүленгән квестларда һәм башка актив чараларда катнаша ала. Фестивальгә керү ирекле, дип хәбәр итә Казан мэриясе матбугат хезмәте.

14:00 – 20:00 сәгатьләрдә яшел кырда 100дән артык өстәл уенында катнашырга була. Фестиваль кунакларына тарихи фехтование буенча мастер-класста катнашырга һәм квест узарга тәкъдим итәчәкләр.

Моннан тыш, көн дәвамында өстәл уеннары ярминкәсе дә эшләячәк, дип хәбәр итә шәһәрнең парклар һәм скверлар дирекциясе.

Сәхифәләр

Казанда «Паркта уйныйбыз!» фестивале була