Җәмгыять 1 февраль 2023 08:13

Казанда өч көн дәвамында китап ярминкәсе узачак

Скопировать ссылку

3-5 февральдә «Штаб» креатив индустрияләр резиденциясендә китап ярминкәсе узачак. Килүчеләр зур нәшриятларның берсеннән яңа басмалар һәм бестселлерлар белән таныша, шулай ук бушлай лекцияләрдә катнаша алачаклар, дип хәбәр итә оештыручылар.

3 февраль көнне 18:00 сәгатьтә Россиядә китап сәүдә тарихын тикшерүче Анна Кадикова үзгәрешләр чорында әлеге эшчәнлек өлкәсе турында сөйләячәк.

4 февраль көнне 14:00 сәгатьтә сәнгать белгече һәм «Рус сәнгате тарихында иң әһәмиятлесе...» китабы авторы Мария Швец «Көмеш гасыр сәнгатендә мистицизм» дигән лекция үткәрәчәк.

5 февраль көнне 14:00 сәгатьтә «Хәтерне ничек яхшыртырга һәм нәтиҗәле укырга» дигән лекция белән инглиз теле курсы һәм хәтер үсеше буенча китаплар авторы Илгиз Сабиров чыгыш ясаячак.

Китап ярминкәсе 3 февральдә 14:00-20:00 сәгатьләрдә, 4 һәм 5 февральдә 11:00-20:00 сәгатьләрдә Татарстан ур., 20 адресы буенча эшләячәк. Чарада катнашу бушлай.

Сәхифәләр

Казанда өч көн дәвамында китап ярминкәсе узачак