Хәвеф-хәтәр 6 март 2019 17:52

Казанда әнисен пычак белән чәнчеп үтергән ир-атны хөкем иткәннәр

Фаҗига узган елны октябрь уртасында Дәрвишләр бистәсендә булган.

Скопировать ссылку

(Казан, 6 март, «Татар-информ»). Казанда яшәүче 23 яшьлек ир-ат үз әнисен пычак белән чәнчегән өчен 11,5 елга каты режимлы колониягә хөкем ителгән. Бу турыда Татарстан прокурорының өлкән ярдәмчесе Руслан Галиев хәбәр итә.

«Суд ачыклаганча, 2018 елның 13 октябрендә Дәрвишләр бистәсенең Липатов урамындагы фатирда исерек 23 яшьлек ир-ат анасы белән талашкан. Әнисе аны алкоголь куллануда гаепләгән. Ир-ат пычак алып әнисенең күкрәгенә һәм эченә кадаган», – диелгән хәбәрдә.

Хатын-кыз алган җәрәхәтләрдән үлгән. Ир-ат җинаять кылганнан соң фатирда аракы эчүен дәвам иткән. Күпмедер вакыттан ир-ат үзенә кул салмакчы булган.

Полиция хезмәткәрләре хатын-кызның мәетен бер атнадан соң гына табып алган.

Шикләнелгән затны тоткарлаганнар, ул үз гаебен танымаган.

Ир-атны «Үтерү» маддәсе буенча гаепле дип таныганнар һәм 11 ел 6 айга каты режимлы колониягә хөкем иткәннәр.

#җинаять

Сәхифәләр

Казанда әнисен пычак белән чәнчеп үтергән ир-атны хөкем иткәннәр