Җәмгыять 16 ноябрь 2024 14:04

Казанда НАТОның хәрби техникасы күргәзмәсен өч көн эчендә 42 меңнән артык кеше караган

Скопировать ссылку

НАТОның хәрби техникасы күргәзмәсен (ул «Дөреслектә көч – горурлык һәм җиңү» дигән исем астында уза) өч көн эчендә 42,5 мең кеше караган. Казан мэриясенең матбугат хезмәте хәбәр иткәнчә, беренче көнне экспонатлар белән – 12,7 мең, икенче көнне – 15,8 мең, узган җомгада 13,8 мең кеше танышкан.

Үзәк стадион янында урнашкан күргәзмәдә альянс илләрендә җитештерелгән 14 экспонат тәкъдим ителгән. Аларның барысы да Донецк һәм Авдеевка юнәлешләрендә махсус хәрби операция үткәрү барышында кулга төшерелгән. Алар арасында АКШның Abrams танкы, Американың М113 A2 бронетранспортеры, Германиянең Marder 1 A3 хәрби машинасы һ.б. бар.

Экспонатлар янында QR-кодлар төшерелгән стендлар да тора. Аларны сканердан чыгартып, техниканы сафтан чыгару мизгеле сурәтләнгән видео карарга мөмкин.

Күргәзмә 19 ноябрьгә кадәр дәвам итә, керү ирекле. Ул 10.00-16.00 сәгатьләрдә эшли.

Сәхифәләр

Казанда НАТОның хәрби техникасы күргәзмәсен өч көн эчендә 42 меңнән артык кеше караган